Vörður eru fjölsóttir áfangastaðir sem ferðamenn sækja allt árið um kring. Staðir sem eiga að verða Vörður þurfa að uppfylla eða vinna markvisst að viðmiðum Vörðu og sýna fram á langtímaskuldbindingu til þess að þeim verði framfylgt. Við umsjón þeirra er unnið að sjálfbærni á öllum sviðum og stuðlað að verndun náttúru, menningarsögulegra minja og landslagsheildar svæðisins. Gæði eru höfð að leiðarljósi í móttöku gesta og borin er virðing fyrir íbúum, staðaranda og framþróun svæðisins.
Vörðum er ætlað að skapa umgjörð um hugmyndafræði heildstæðrar nálgunar áfangastaðastjórnunar sem er liður í því að leggja traustan grunn fyrir farsæla og sjálfbæra þróun ferðaþjónustu til framtíðar. Vörðum er ætlað að vera vegvísar fyrir ferðamenn á leið þeirra um landið að áfangastöðum þar sem öll umgjörð, skipulag og móttaka gesta er framúrskarandi.
Vörumerkið Varða felur í sér viðurkenningu og staðfestingu á framúrskarandi áfangastaðastjórnun og áfangastaðir geta nýtt sér Vörðu í markaðssetningu. Að auki geta umsjónaraðilar áfangastaða deilt reynslu sinni og lært hver af öðrum. Með uppbyggingu Varða um allt land styrkist ímynd Íslands sem áfangastaðar ferðamanna þar sem jákvæð upplifun er í fyrirrúmi og horft er til sjálfbærrar þróunar.
Vörumerkið Varða er viðurkenning á því að stjórnun áfangastaðarins sé til fyrirmyndar.
Hönnun merkisins byggir á sömu grunnstoðum og vörðurnar sjálfar. Í grunninn sýnir merkið form vörðu og táknar jafnvægi náttúru og mannvirkja, með vísun í íslenska arfleifð og mynstur. Áhersla var lögð á að merkið endurspeglaði sögu og sérstöðu þeirra ólíku merkisstaða á Íslandi, sem geta með tíð og tíma orðið Vörður. Hver varða er sjálfstæð, en jafnframt hluti af heild, sem varðar leið að áfangastað. Úr varð einstakt merki sem er í senn tímalaust, táknrænt og íslenskt. Brandenburg hannaði merki Vörðu.
Nulla vel sodales tellus, quis condimentum enim. Nunc porttitor venenatis feugiat. Etiam quis faucibus erat, non accumsan leo. Aliquam erat volutpat. Vestibulum ac faucibus eros. Cras ullamcorper gravida tellus ut consequat.
